अ-समयको तटमा सुतेकाहरूलाई प्रश्न

अ-समयको तटमा सुतेकाहरूलाई प्रश्न 

ओ ! आईड्स अफ मार्च 
क्येसियसले ब्रुटसलाई बनाएपछी कन्सपिरेटर 
गायस जुलियसलाई छुरा धसेका हुन् 
रिपब्लिकन रोमका सेनेटर्सहरूले 

राजा रणबहादुर शाहको अप्रत्याशित हत्यापछी 
काजी भिमसेन थापाले वसन्तपुर : बागमा
मच्चाएको हो भण्डारखाल काण्ड
र लगाको हो नेपोलिएनलेझैं आफ्नो शिरमा मुख्तियारी ताज 

माथवरसिंहझैं गगनसिँहको पनी छातीमा गोली दागेपछी 
काटेर टाउको दुस्मनको राखेर रानी राज्यलक्ष्मीको पाउमा
मच्चाएको हो जँगबहादुर कुँवरले सिसमहलभीत्र कोतपर्व
र फैलिएको हो १०४ बर्षसम्म राणाजीहरूको जहानियाँ राज 

प्रतिशोध साँध्नेहरू प्रतिशोधलेनै सिद्धिएका छन् 
षड्यन्त्र रच्नेहरू षड्यन्त्रलेनै सिद्धिएका छन् 
तरवारले शासन गर्नहरू तरावरलेनै सिद्धिएका छन् 

ई
ति
हा
स
को ____ गर्तबाट चिच्याएको चर्को आवाज म सुन्दछु 

ओ ! ओथेल्लो ! ओथेल्लो ! डेस्डिमोनाको प्रियतम ! 
ल्यागोले तिम्रो कानमा भ्रम नरोपेको भए 
शेक्सपेरिएन ट्राजेडीको सफलता
र नारायणहिटी हत्याकाण्डको रहस्य 
केवल हाईपोथेटिकल ईत्तफाक पो हुन्थ्यो की ? 

जसरी स्कोरियत जुडासको अन्तिम चुम्बनले 
आफ्ना कप्तानलाई आघात नतुल्याएको भए
सखारै भालेको तेस्रो डाकपछी छाती पिटीपिटी
कमरेड केफासले पस्चाताप पो नगर्नेथ्यो की ? 

कुरेनिको सिमोनले गलगत्थाको बाटोमा 
नबोकेको भए असाहाय ईश्वर-थुमाको क्रसलाई 
मेटामोरफिस बेनहुर अर्को यहूदी देउता पो हुनथ्योकी ? 

निस्तार चाडको दिन ज्यानमारा बारब्बासले
नपाएको भए अनुग्रहको नाउँमा आममाफी
चुनिएका जातिहरूको थाप्लोमाथी
रगतको छाप मेटिनोपोथ्योकी ? 

अनी क्रुसको दाहिनेतर्फ झुण्डिएको अपस्चातापी डाँकुले 
नगरेको भए अपमान निर्दोष बलिको थुमालाई 
सार्थक वलिदानको औचित्य नरहनेपोथ्योकी ? 

यसरी ईतिहासको ब्ल्याकहोलबाट 
रहस्यहरूलाई छिचोलेर 
खलनायकहरूको भुमिका पृथक भएपछी 
आलोचकहरू
विद्धानहरू 
दार्शनिकहरू
नास्तिकहरू 
हेर्छन् तेस्रो नेत्रको सुक्ष्मद्धारबाट 
र सोध्छन् निर्मम प्रश्न धर्मका ठेकेदारहरूलाई 

एक 
दुई 
तिन 

किन धुनपर्यो पिलातसले हात ? 
किन रूनुपर्यो निकोदमस मध्यरातमा ? 
किन लेख्नुभो रब्बिले माटोको धुलोमा
ढुँगा हान्न तयार सदुकी-फरिसीहरूको नाम ? 

प्रतिज्ञाको मुलुकमा पाईला नटेकेका निर्गमनका नायक 
खै किन फेला परेन उसको ( मोशाको ) चिहान ? 
खै कहाँ हरायो करारको सन्दुक र हारुन बाजेको लौरो ? 
किन आवस्यक भएन पुरानो व्यवस्था अनुसार देहको खतना ? 
किन भएन आजसम्म पनी तेस्रो मन्दिरको पुनर्निर्माण ? 
र को हो त्यो मध्यरातमा सुतेका पन्चकन्याहरू झकझकाउने अ-लौकिक आवाज ? 

म समयको तटमा उभिएर
आनन्दित अलपमा उठन तयार
पर्गाममका दलालहरूलाई सोधिरहेछु

तिस टुक्रा चाँदीले किनेको चम्किलो भाँडोमा
बेच्न राखेको सुगन्धित जैतुन-तेल
कतै रित्तिएको त छैन ? 

एक 
दुई 
तिन 

प्रश्नहरू बाँकीनै छन् 
जवाफहरू मस्त निन्द्रामा घुरिरहेको बेला हो यो । 

खुपेन 
युनाईटेड नेपाली रिभाईवल चर्च 
वेम्बली, लन्डनबाट